EP 115 白兵新聞電台 X 新聞廣播塔 20240311

國安快訊：廿三條立法補遺

1. 廿三條立法勢在必行，只要你留響香港或者關心香港，甚至你移咗民但又預咗會番香港或者有親朋戚友響香港，都無辦法唔走去認識佢。而家最撚精神分裂嘅係，一方面黃屍狗講到廿三條無所不包，一方面又繼續單單打打批評政府：如果無所不包，你而家啲單單打打經已要坐監啦懵撚！

另一種則係建基於無知嘅恐懼，一味只識講香港玩撚完，但問佢究竟廿三條係乜，卻係連一個稍為完整嘅概念都講唔出

2. 要講廿三條無可能唔由國安法同煽動罪開始講起，因為三者立法同執法理念係非常一致，只係程度同範圍唔同。由煽動罪同國安法你可以睇倒，政府就係先劃一個好大嘅紅圈，將大部份嘅香港人、甚至連藍屍建制派都包含其中，令到你地人人自危、製造寒蟬效應，最尾好似黃標KOL咁講到乜都坐監，咪臭係政府嘅目標囉

但另一方面，政府立咗國安法咁耐，每年都只係拉十幾人，點解唔一次過拉撚哂幾百萬人？就係因為根本處理唔倒丫嘛，所以去到最尾，佢都係要訂另外一啲規則，篩選一啲政府相對討厭嘅對象拘捕，於是就有我以前提嘅四條紅線

3. 所以點解我一直都講，你去睇廿三條國安法煽動罪嘅執法範圍係無意思，單單「意圖」兩個字，我同你都經已犯緊，但偏偏鄧炳強林定國同陳國基，又會耐唔耐提出一啲「例外」出黎，安慰大家邊啲情況下無事，但我地正正就係要從佢地呢啲「例外」，倒推番成個立法邏輯，有啲咩例子佢地認為一撚定要拉，有啲咩認為其實唔需要拉，咁你先可以響香港響安全嘅情況下享受你嘅言論自由

4. 舉個例，而家廿三條就煽動罪加多條煽動族群仇恨罪，林定國講咗句如果好似當年反水貨行動咁仇恨大陸人就有可能中呢條新法。但同時間佢又補鑊話：小紅書其實都有好多批評大陸人旅遊嘅問題，呢啲就唔算仇恨。即係只要從佢言論你就可以推論出，佢針對嘅唔係你憎唔憎大陸人，而係你會唔會促使一個針對大陸人嘅行動出現，又或者果種仇恨程度係去到好似之前煽動罪咁要人死全家、滅族之類，但黃屍就唔撚理，話只要批評就一撚定坐監

5. 我覺得Set到個門檻咁高係無問題，正如而家燒山都吹緊只要批評下鄧炳強都會中煽動要坐監。但如果你係要Set咁高門檻，咁就唔該一視同仁，所有黃標KOL黃絲媒體而家批評政府嘅言論都係煽動性刊物，只要Share任何黃標KOL嘅節目即等同分化煽動性刊物，最高判監七年，因為黃標KOL屬於境外勢力，所以最高加監至十年；如果你Bookmark或者響Youtube Subscribe咗佢地嘅節目，即等同管有煽動刊物罪，最高判監三年

6. 咁點解黃標KOL講撚到咁大鑊，但用番佢地標準，卻從來唔提自己嘅節目經已等同煽動性刊物、自己甚至已等同外國勢力，同你有任何連繫經已可以中「境外干預罪」，最終可判14年？

屌你老母咪臭係因為關乎自己飯碗同生意，梗係理撚得你地死啦！

7. 仲有呀，廿三條列明／／對被控危害國家安全罪行潛逃超過6個月人士，保安局局長可施行多項措施，包括禁止向潛逃人士提供資金、處理其資金等，違者可判監7年。草案提到，如相關人士被界定為潛逃者，任何人不得直接或間接向其提供任何資金或其他財務資產、經濟資源，違者可處7年監禁／／

點解黃細柒可以提都唔提呢樣嘢？文榮鋒之前放番出黎，你見佢咁耐以黎那怕有無慰問過人地一句、或者提供過一絲幫助？

8. 最撚好笑都係香港無格仔吹撚到「李老師不是你老師」D Follower比公安逐個上門約談，響香港唔好當無事，好快輪到你地，但轉個頭就話自己啲不當言論只係響Youtube講，所以同佢地做Facebook Friend或者Follow佢地都無事，然後叫支持者「大家小心啲」就算。屌你老母咁撚不負責任然後仲學人為民請命？

結果黃絲對呢班KOL黎講就只係一個Condom，錢就照收，你瀨嘢就你死你事

9. 而家好多人關心嘅幾條新條款包括：警方可向法庭申請把他們的羈留期限由現時的 48小時延長至 7天；如有需要，可以再申請額外延長 7天。聽落去好似好得人驚，但其實而家煽動同國安法一拉你經已即刻過堂不准保釋，成個過程一樣係由法官判定，響程序上面當然有唔同，但實際上係無分別

至於話被拘留期間唔比見任何律師呢個亦係Fake News，只係限制你只能見指定律師，而且響48小時之後呢個限制就解除，你問我響法治角度黎講當然係離譜，但以前2019年我曾經係聽過有Case係過咗一日都見唔倒律師，任何高風險人士其實都應該有心理準備要捱過被捕頭48個鐘先搵倒相熟律師保障自己

仲有一樣就係監視居住，即係廿三條嫌犯響總警司向法庭申請之後，要響在指定地方居住，其間不能與指定人士聯絡，有效期三個月。呢個當然亦係離譜，其實就係針對可以保釋嘅人額外加一重規管，而究竟比唔比上網、比唔比出街，定係好似大陸咁只能夠屈響間房對住四面牆乜都唔做得，政府係無解釋，不過大家又要留意，國安法同煽動罪可以保釋嘅機會係少之又少，究竟有幾多人犯廿三條又可以保釋倒出黎，我係非常懷疑

其實無限制監視居住、禁止見指定律師同拘留時間延長至14日，都係參照英國《國安法》最辣嘅條款黎抄，問題係英國有民主而香港無民主，呢個就係分別

10. 全港有機日大炒車，證明移民KOL點解無資格評論香港。黃屍骨子裡就係狗眼看人低、土豪心態，話崇尚西方民主價值觀根本係笑話