白兵 Stormtrooper

EP 111 白兵新聞電台 X 新聞廣播塔 20240212

Added 2024-02-12 09:16:50 +0000 UTC

新年車公廟求籤，可以話係最典型嘅Selective Bias示範：永遠你都可以將往後發生嘅事件用籤辭去強行解釋；最撚基本，由2019去到而家香港都衰到貼地，但每條都係中籤有無可能？如果你話有人做手腳，咁經已唔準啦！

當然我唔排除有啲奇人異士真係可以借車公解籤預測未來，但呢個經已唔係籤文本身靈唔靈嘅問題，而係解籤人嘅能力問題

「斧斤持以入山林，未得之時那處尋。損了良材失却力，獻君留住待春臨」

細柒就話籤文係解「香港玩撚完，快啲移民唔好再留響香港」可以話係穿鑿附會嘅極致

美斯事件餘波：

一、政府有咩可能可以直接搵美斯傾宣傳問題？你搵Mirror宣傳有無可能唔經Makerville？仲有你估政府比錢美斯，美斯就直接落袋咁簡單？當邁阿密國際死架？

二、有搞過Exibition都知，明星跑外埠的話，所有行程早響出發之前經已定好哂，其實你係有錢可以同球星直接互動呢啲嘢根本就係世界通例，我係唔明點解日本羅蘭做呢樣嘢就人人都讚，香港有錢佬做就萬人齊屌

我諗最大問題係你政府見個勢好，臨時要求加呢樣果樣，到人地拒絕又纏住人唔放，咁先係搞躁人嘅最大可能。當然香港同大陸有錢人多搞到美斯煩不勝煩亦係可能性之一

三、最撚癲都仲係而家班黃屍同藍屍，不約而同鍥而不捨走去尻吹呢單嘢同政治有關：游學修直播真係講得好啱嘅係，黃藍屍最鍾意就係只挑選對自己有利嘅材料，完全無視不利嘅部份，再將有利嘅誇大，片面之前就此成立。簡單講一句，如果你相信美斯會因為咩美國制裁香港、送過相比劉曉波就代表佢反共，其實你嘅水平咪同環球時報、李梓敬同何君堯無乜分別囉

國安快訊：

1. 立法會暴動案審完，王宗堯即時還押，馬啟聰雖脫暴動罪但仍因「擅闖暴動罪」被判有罪，香港無格仔當日篤灰話熱血時報濫發記者證，間接協助警方否定馬啟聰傳媒記者身份

2. 考評局怨婦楊穎宇大炒車：79間海外大學拒絕承認DSE學歷純屬假新聞、黃標KOL死撐「問題係多大程度承認」、「終有一日不被承認」，不如你話終有一日世界滅亡丫笨。升學KOL山地媽批評移民KOL踩死DSE係幸災樂禍妄顧事實，結果都要被黃屍狗圍剿

3. 「煽動意圖」涵蓋引起香港或中國居民間憎恨被問到不時批評香港的內地遊客需否小心發言？林定國表示，罪行是針對極端純粹挑動仇恨的行為，「對香港事情表達唔開心、唔滿意，『小紅書』係咪乜都無呢，我都見好多呢啲言論」，不覺得涉及煽動罪而需控告

曾鈺成質疑煽動意圖罪「打擊面」過大，被問到立法後「打擊面」是否更闊，林定國認為「打擊面」一詞令他感覺「有啲哽耳」

過去坊間有人批評立法會議員工作，甚至有諷刺漫畫、二次創作，又是否涉及煽動罪呢？鄧炳強說視乎個案情況，「好難講呢句係唔係、嗰句係唔係，好難無限例子」，建議翻查煽動罪案例了解，重申如果無意圖危害國家安全，當局便不會檢控／林定國：「我哋每一個人都唔係另一個人心裡面條蟲，無人知道另一個人個腦諗緊咩嘢，法庭過往有啲係從外觀行為去推論，舉證標準當然係高啦，一定係睇返客觀環境，唔好舉例，舉例又好容易會搞錯。係唔小心、唔覺意一定會睇得出。」

4. 曾鈺成認為構成「非法披露國家秘密罪」有三大要素，只有當資料是「無合法權限下披露」；披露後「相當可能危害國家安全」；並且披露的資料屬於國家秘密的訂明領域，才會構成有關罪行；而同時要有犯罪意圖，才會入罪。關鍵的問題是某項資料的披露是否「相當可能危害國家安全」，由誰來判定呢？當中涉及對「國家安全」的解釋，誰是最後的權威呢？

曾鈺成指市民提出的問題、質疑以至批評，與盲目攻擊和惡意煽動有本質分別，呼籲政府把市民真正關注的問題，跟反對力量的敵意攻擊區別開來，不能一聽到負面評論，便以對敵鬥爭的態度去打壓