EP 109 白兵新聞電台 X 新聞廣播塔 20240122
Added 2024-01-22 08:58:29 +0000 UTC國安快訊：
1. 被告曾國熙，35歲，無業。控罪指他於2023年7月21日至2024年1月18 日，在香港，作出一項或多項具煽動意圖的作為，即在LIHKG發佈帖文。任裁判官蘇文隆，按控方申請將案件押後至2月23日再訊，以等候進一步調查，包括檢視被告的電腦，期間被告須繼續還押。
去到今日國安處經已求其到連帖文講咗啲乜都懶得講，一切要等到正式開庭先知發生乜事。要靠連登仔搵番當日帖文倒推番邊個比人拉咗。而帖文內容大概都係一啲721陰謀論
2. 黎智英安繼續審理，張劍虹作供多對黎不利，包括指黎熱衷鼓動人2019上街，同意將蘋果收入撥至抗爭者基金、要求編採報導多同情抗爭者等等
特別嘅係，供詞因為提供咗Whatsapp內容，入面提到陳方安生將郭榮鏗同莫乃光視之為佢嘅後繼者──咁都只能講一句有眼無珠
3. 藝發局指去年6月舉行的第31屆「香港舞台劇獎頒獎禮」對其聲譽「造成損害或不利影響」，終止資助頒獎禮並扣減未付的最後一期撥款。藝發局前日形容頒獎禮「作出不尋常安排」，昨日再交代，稱活動的「不妥內容」包括邀請「當時充滿新聞話題」、非文藝界的漫畫家尊子及前港台記者蔡玉玲擔任頒獎嘉賓，以及司儀以「紅橋」和「紅線」為話題，「意有所指、語帶雙關」。有議員批評局方是政治審查，「將政治凌駕藝術」
有關呢單嘢有幾離譜就唔駛多講，雖然我身邊有唔少朋友都對呢個頒獎禮有所不滿，覺得圍威喂味道濃厚，但因為請咗尊子蔡玉玲，上台串你兩句「紅橋」、「紅線」，藝發就上哂頭癲咗咁要報復，完全係痴撚線
單嘢都唔駛講到咁複雜，之前政府一直強調搞緊「軟對抗」要對付佢地，而家就話你聽點對付，就係任何被視為向政府玩嘢嘅舉動都會定義為「軟對抗」，而個代價就係失去政府嘅資助──政府而家就係睇死你地藝術界唔靠資助撥款生存唔倒，想要錢就唔該跪到鼻哥掂地為止
但有危就有機，呢個其實亦係藝術界一個好機會，擺脫對政府嘅依賴，爭取市民支持換取獨立生存嘅能力。成日都講，黃絲無嘢多最多就係錢，今次劇協被沒收資助8.8萬，每年正常有嘅資助大概係44萬，即使加埋康文署拒絕借出場地，對黃色經濟圈黎講都不過係一個零頭，搞眾籌一陣就到數，最好到時搵棟舊樓天台做直播
4. 垃圾徵費環保署變報警撫？
5. 床哥社工實習被踢事件，道理我撐，但唔識人情世故似乎係網絡世代通病？
6. 正生財技高超，等同慈善版JPEX
Comments
我好認同塔哥喺床哥件事上嘅睇法
Rita Law
2024-01-23 08:46:24 +0000 UTC塔哥，多謝您嘅資料搜集， respect
Wincy
2024-01-22 14:15:57 +0000 UTC
