EP 106 白兵新聞電台 X 新聞廣播塔 20240101

新聞廣播塔

點解聖誕香港無乜人，反除夕迫爆？大陸人似乎真係唔鍾意慶祝聖誕

上水站逼爆？

疫情快訊：

1. 中國大陸公佈2023死亡人口數字為1100萬人，2022年死亡人口為1041萬人。由於中國係響12月尾解封，所以武肺死亡高峰期大係2022年12月至2023年2月間，但比你點樣計，各個醫療機構同傳媒估算，武肺響中國嘅死亡人數就係大概150萬至200萬人，最主要原因係武肺峰值比所有人預期都要更早達到，所謂火葬場唔夠位燒屍問題一季之後就無哂

當然個數比起中共官方公佈嘅12萬人係大十倍以上，但絕對比沈旭暉當日尻吹嘅1千萬少好多；好多人話中國數字可以隨意做假，但因為人口係會牽涉到無數咁多嘅數據計算，幾百萬額外死亡人口，係點都砌都唔會砌倒出黎嘅。燒山今時今日仲堅持最少死七百萬人，擺明就係無視現實嘅尻蹹

反而有樣嘢中共係點都隱瞞唔倒嘅，就係出生人口經已比2018年嘅1500萬少咗一半，去到得番758萬。其中一個最主要原因當然係封城令到中國人重新思考係咪有需要、有能力養育下一代，而呢項打擊即使解封都番唔倒轉頭。雖然話全球生育率下跌係大勢所趨，但咁樣跳崖式下跌明顯係因為防疫而加速，都可以話係自作自受

2. 另外之前吹撚到好大嘅「多病原感染」，去到今日都仲未有大量死亡出現，證明根本就係一場普通流感；但新加坡又重覆公佈番JN.1武肺確診數字，馬來西亞又要求確診者自行隔離五日，完全係庸人自擾

3. 最近燒山又入廠做心臟手術、細柒又再病暫停直播，疫苗後遺症對呢啲唔撚健康或者長期病患者嘅影響係無比深遠──另外又提提兩條谷針撚，過咗半年，又係時候打新針啦！台灣上星期死咗37人，當中有97%無打XBB疫苗，點解呢兩條針撚可以扮唔知完全唔打針架呢？結果成撚日講科學嘅苗撚，去到最尾就係最撚鍾意搬龍門

國安快訊：

4. 律政司在專屬網頁發表《〈香港國安法〉及〈刑事罪行條例〉煽動罪釋義》，將關於《香港國安法》和《刑事罪行條例》第9條及第10條，有關煽動罪的法庭案例撮要及統整，供公眾閱覽，但只有英文版而無中文版完全ON9：有邊一單煽動罪係由英文觸犯？

5. 《集誌社》整合傳媒報道，由 2020 年 3 月至今，警方以《條例》下煽動罪最少拘捕 86 人，其中 30 人被指涉在網上發布煽動言論，如傑斯、阮民安等；有 27 人被指涉煽動意圖行為，包括古思堯兩度擬示威而被捕、旁聽師庭上拍手、以及悼念六四人士等均以此名拘捕。而在被起訴的 44 人中，36 人案件已審結全告罪成，其中兩人被判入更生中心及教導所，其餘判刑由最低兩個月（留日女生）到最高 21 個月（快必案）

在 86 宗被指涉違反煽動罪的被捕個案中，根據案情可大概分為被指控涉及「網上言論」、「發布／管有煽動刊物」、「具有實際煽動意圖作為」、「展示『光時』字眼」等四大類。

6. 鍾翰林繼周庭後流亡海外，點解中共又肯放人？國安越權插手監管令滋擾難受，指控升旗易得道老點兼篤灰

7. 信和商場禁售BL漫畫？

8. 特朗普禁選引用古代法律，同特區政府用煽動罪告人無分別

／／12月28日，負責選舉事務的民主黨籍緬因州（Maine）州務卿貝洛斯（Shenna Bellows）決定禁止特朗普（Donald Trump）參加該州的共和黨總統初選，認為特朗普在2021年1月6日參與國會暴亂的事實已達證據優勢（prepondenrance of evidence）的標準 ／／早前科羅拉多州法院同樣判定特朗普參選違憲（無經地方法院判決），而明尼蘇達同密芝根則批准特朗普繼續參選

而家反Trump派人士引用嘅係第14修正案第三款「禁止曾依憲法宣誓就職卻參與叛亂者服公職」。響1868年南北戰爭結束3年後，為咗防止邦聯軍成員重新加入政府，對聯邦政府治國構成威脅。但之後果百幾年根本無人再用過。而家比人拎番出黎個感覺似乜？就係特區政府而家拎條幾十年前嘅煽動罪出黎告人一樣

呢單案最主要嘅法律爭拗點有二：一係究竟州務卿同地方法院有無資格行駛第14修正案第三款權力？去到禁止總統參選呢啲咁高層次嘅法律爭議，係咪應該由國會決定？二係「叛亂者禁令」規定，其適用於「美國境內的參議員、眾議員、總統選舉人、州政府官員和聯邦官員」，究竟總統屬唔屬於「公職」一種？

《紐約時報》引用咗法學教授Kurt Lash表示，當年聯邦政府立法原意根本無考慮過禁選總統問題，因為當時環境根本唔會有人可能再次推舉類似Jefferson Davis嘅分裂派總統出黎再打一仗，反而佢地最擔心嘅係響南方有勢力嘅邦聯政府支持者，會滲入州政府同州議會搞事，所以先特別立法禁止佢地參政

至於官司未來可以肯定係會打到最高法院，我見有黃標KOL話因為大法官多數都係保守派，而且有三個係由特朗普提名，所以一定會偏幫特朗普云云。即係如果真係會偏幫呀，當日就經已判撚咗2020年選舉違法啦！

而家法律學者最擔心嘅係，今次嘅爭拗係在於高層次嘅「尊重立法原意」同低層次嘅「單純根本字面解釋」之爭。如果最高法院強行用後者解讀方式禁制特朗普參選，其實就係將「以法限權」、「以法達義」嘅法治層次打番落中國香港最鍾意嘅「有法必依」層次，而且往後亦代表最高法院將會更積極干預美國政治，而唔係由人民自行決擇參選人有無資格做美國總統