Inefficient Pump
Added 2025-06-02 00:00:03 +0000 UTC呢次從交易角度出發討論一下關於拉盤，又或者另一個角度，點樣用最少嘅market impact同最快嘅時間同去execute一個極大order。
拉盤需知
市值 (Market Cap / Fully Diluted Value)
首先，拉盤容易程度第一樣嘢一定係關於個標的物市值究竟有幾大。最簡單就係你要拉隻pump.fun memecoin同Bitcoin，前者可能是市值畢咗業之後得一兩Mil，後者要用幾百M先郁到1/2%。
「乾」 (Concentration)
其次，拉盤容易程度好受一個factor影響，就係隻token「乾唔乾身」，呢個term解究竟隻token係咪貨源歸邊，莊家持有嘅流通量越高就越容易拉盤，推得郁價錢。同一樣嘅市值，莊家持有嘅流通量越高，拉盤要做到同一個效果嘅錢就可以用得越少。或者另外一個用語就係floating supply究竟多唔多。
拉盤方法
拉盤第一個前切係你要使錢買，所以技術上一啲都唔難，純粹係不斷咁買，自己控制買到幾時停同買得幾密，買得幾aggressive。
呢度就講吓有啲咩要避免，假如拉盤已經有晒目標同已經預留咗足夠多嘅錢，第一樣嘢要避免嘅係只係麻木咁買同樣金額同用同樣頻率去買，因為咁樣好容易比其他人留意到個Pattern。之後佢哋就會frontrun你，造市商絕對睇到。所以第一點就係唔好盲目有規律咁去操作，做多少少變化等人哋難啲去搵到規律。
第二點就係假如本身你要拉盤同時有list到derivatives，e.g. Linear Perpetual。拉盤嗰個人切記唔好淨係去買spot，因為到時會有人做arbitrage，唔同類型工具嘅話就會俾人arbitrage funding rate 。
第三點就係假如本身呢一隻token已經上咗唔同嘅交易所，同樣你都係唔可以淨係拉一間交易所，可能因為我本身係arbitrage trader出身，你唔喺其他一線交易所同時拉盤嘅話，就會被其他人arbitrage price spread 。
結論
如果大家都睇完123點嘅話，其實本身拉盤嘅時候一定要預留埋拉其他交易所或者其他工具，因為你唔做嘅話，你就會俾人arbitrage，呢啲套利交易行為會產生selling pressure。
所以現實上拉盤其實好高成本，除非市場氣氛好好，或者本身標的物又乾又平，正常項目方都唔會洗一筆咁嘅錢。
去返一開始嗰條問題，你用最短時間有最多exposure又想減少slippage，就一定係同時喺唔同地方，亦都係唔同嘅工具去做儲exposure。咁樣就唔會比其他人為你本身嘅行為套利交易賺得太多錢。
